Tekna Sogn og Fjordane støttar matematisk leikerom på ViteMeir

Tekna vil bidra med 110 000 kr for å utvikle det matematiske universet på ViteMeir.

– Det er veldig flott at dei turde å satsa på oss, og støttar oss, seier Kristin Myhra Sæterdal. 

Tekna Sogn og Fjordane har bidratt med 110 000 kroner til å realisere Sophus Lie-universet på ViteMeir. 

–Lokallaga har ansvar for at foreninga sine aktivitetar vert oppretthaldne og utvikla lokalt. Auka rekruttering til Tekna-fag er særs høgt prioritert. Vi heiar difor på alle vitensentra i Noreg og ønskjer å vere ein støttespelar for ViteMeir, seier leiar Øystein 

“Utan fantasi blir ein ikkje matematikar” 

Sophus Lie var ein matematikar født i nordfjordeid på 1800-talet, og han vil bli ViteMeir sin maskott. Det vil og vera eit rom dedikert til hans univers med matematiske oppgåver.

– Rommet vil vera dedikert til Sophus Lie. Ein av tinga han skreiv var: “Utan fantasi blir ein ikkje matematikar.” Så det skal vera eit rom der born, i lag med dei vaksne, kan utforske seg i leik og gruble på mattenøtter, seier Myrha Sæterdal. 

Og pengane går godt med då dei skal utvikle dette matematiske universet. 

– Det er så bra at dei og tok sjansen på oss så tidleg i ideprossessen. Det har jo mykje å seia for oss at me har dei som støttespelar i korleis me utvikla det, seier ho.

Tekna er både ei teknisk-naturvitskapleg og fagforeining. Deira over 80 år gamle lokallag Tekna Sogn og Fjordane avdeling har siste åra hatt god vekst, med nær 600 medlem. 

 – Difor er vi glade for i år å kunne bidra med samla 110 000 kr, frå ein fellespott i Tekna og eigne midlar, for at ViteMeir skal realisere Sophus Lie-rommet.

Deira medlem er invitert med på på opningshelg med vitenshow, og dei ser fram til meir å samarbeide framover. 

– No gler vi oss veldig til opninga i november! Tekna-presidenten Lars Olav Grøvik vil og ta seg turen på opninga, seier Øyvind Heimset Larsen.